Суббота, 10.12.2016, 23:25
Приветствую Вас Гость | RSS

[ Новые сообщения · Участники · Правила форума · Поиск · RSS ]
Страница 1 из 11
Форум » Храм Лотоса » Часовня » Икона Богородицы «Неувядаемый Цвет»
Икона Богородицы «Неувядаемый Цвет»
ELISELДата: Четверг, 16.04.2015, 11:13 | Сообщение # 1
Просветлённый
Группа: Администраторы
Сообщений: 11489
Статус: Offline
Икона Богородицы «Неувядаемый Цвет»

ПРАЗДНОВАНИЕ:
16 апреля




16 апреля почитается и празднуется икона Божией Матери «Неувядаемый цвет», признанная одной из самых красивых среди русских православных икон. Перед этой иконой молятся об обретении душевного равновесия, возвращении радости жизни.

Эта икона особо почитаема женщинами: девушки перед ней молятся о счастливом замужестве, а женщины, не имеющие спутника жизни, – о хорошем и прочном браке, о молодости и красоте.

Пред иконой Преясвятой Богородицы «Неувядаемый Цвет» молятся о сохранении праведной жизни, о правильном выборе супруга или супруги, о счастии в браке, о чистоте и целомудрии, об избавлении от брани плотской, при вступлении в брак. Чистая и пламенная молитва пред этой иконой помогает в разрешении тяжелых семейных проблем.

На иконе Пре­свя­тая Бо­го­ро­ди­ца дер­жит Сво­е­го Бо­же­ствен­но­го Сы­на на пра­вой ру­ке, а в ле­вой ру­ке у Нее – цве­ток бе­лой ли­лии. Этот цве­ток сим­во­ли­че­ски зна­ме­ну­ет неувя­да­е­мый цвет дев­ства и непо­роч­но­сти Пре­чи­стой Де­вы, к Ко­то­рой так и об­ра­ща­ет­ся Свя­тая Цер­ковь: «Ты еси Ко­рень дев­ства и Неувя­да­е­мый Цвет чи­сто­ты». Спис­ки этой ико­ны про­сла­ви­лись в Москве, Во­ро­не­же, Саратове и дру­гих ме­стах Рус­ской Церк­ви.

МОЛИТВЫ


Тропарь Божией Матери пред иконой Ее Неувядаемый Цвет
глас 5


Радуйся, Богоневесто, жезле тайный,/ Цвет Неувядаемый процветший,/ радуйся, Владычице, Еюже радости наполняемся/ и жизнь наследствуем.

Молитва Божией Матери пред иконой Ее Неувядаемый Цвет


О, Пресвятая и Пренепорочная Мати Дево, надеждо христиан и прибежище грешным! Защити всех в несчастиях к Тебе прибегающих, услыши стенания наша, приклони ухо Твое к молению нашему. Владычице и Мати Бога нашего, не презри требующия Твоея помощи и не отрини нас грешных, вразуми и научи нас, не отступи от нас, рабов Твоих, за роптание наше. Буди нам Мать и Покровительница, вручаем себе милостивому Покрову Твоему. Приведи нас, грешных, к тихой и безмятежной жизни, да оплачем грехи наши. О, Мати Марие, наша преблагая и скорая Заступнице, покрый нас Своим ходатайством, защити от врагов видимых и невидимых, умягчи сердца злых людей, возстающих на нас. О, Мати Господа Творца нашего! Ты еси Корень Девства и Неувядающий Цвет чистоты и целомудрия, пошли помощь нам немощным и обуреваемым плотскими страстьми и блуждающим сердцами. Просвети наши душевныя очи, да видим пути правды Божия. Благодатию Сына Твоего укрепи нашу слабую волю во исполнение заповедей, да избавимся от всякия беды и напасти и оправданы будем Твоим пречудным заступлением на Страшнем Суде Сына Твоего, Емуже мы воздаем славу, честь и покланение ныне и присно, и во веки веков. Аминь.
Прикрепления: 0160518.jpg(135Kb)
 
ELISELДата: Четверг, 16.04.2015, 11:18 | Сообщение # 2
Просветлённый
Группа: Администраторы
Сообщений: 11489
Статус: Offline


АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «НЕУВЯДАЕМЫЙ ЦВЕТ»

Кондак 1


О, Преблагослове́нная Бо­го­ро́­ди­це Де́­во, ра́­дость и при­бе́­жи­ще всем христиа́ном, поклоня́яся Тво­ему́ Пре­чи́с­то­му о́б­ра­зу, Те­бе́ по­е́м хвале́бную песнь, Те­бе́ при­но́­сим свои́ ну́ж­ды, го­ре́ и сле́зы. Ты же, о, кро́ткая За­сту́п­ни­це на́­ша, Те­бе́ бли́зки все на́ши зем­ны́я ско́р­би и пе­ча́­ли, при­ими́ же на́ши в мо­ли́т­вах воздыха́ния, помози́ нам и от бед спа­си́, неуста́нно бо и со уми­ле́­нием зо­ве́м Ти:
Ра́­дуй­ся, Ма́­ти Бо́­жия, Цве́­те Не­увя­да­емый.

Икос 1


Я́ко Бо́­жие благослове́ние и я́ко дар не­бе́с­ный долгожда́нный, непреста́нною мо­ли́т­вою испро́шенная от Бо́­га, ниспо́слана была́ еси́, Бо­го­ро́­ди­це, пра́ведным и многообра́дованным роди́телем Тво­и́м Иоаки́му и А́нне. Ты же, о Бо­го­из­бра́н­ная От­ро­ко­ви́­це, ос­та́­ви­ла еси́ роди́тельское ло́но и, я́ко свети́льник ве́­ры неугаси́мый, я́ко кади́льница благово́нная, во смире́нии предста́ла еси́ у поро́га Гос­по́д­ня, и си́­ла Вы́ш­ня­го воз­не­се́ Тя до самаго́ вхо́да, введе́ во Свя­та́я Свя­ты́х и отве́рзе вся сокрове́нная Не́­ба. О Премилосе́рдная Бо­го­ро́­ди­це Де́­во! От­ве́р­зи и на́ши серд­ца́ к Тво­ему́ сла­во­сло́­вию и вознеси́ на́­шу мо­ли́т­ву к Сы́­ну Тво­ему́ и Бо́­гу на́­ше­му, да зо­ве́м Ти та­ко­ва́я:
Ра́­дуй­ся, чи́стото недосяга́емая и кра­со­то́ не­из­ре­че́н­ная; ра́­дуй­ся, во смире́нии Сво­е́м возвели́ченная.
Ра́­дуй­ся, люб­ве́ неисчерпа́емый ис­то́ч­ник; ра́­дуй­ся, со­су́­де Бо́­гом из­бра́н­ный.
Ра́­дуй­ся, За­сту́п­ни­це на́­ша усе́рд­ная.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 2


О, Пре­свя­та́я Де́­во Ма­ри́е, по́мыслы грехо́вными и де́лы сту́дными до́­лу приклоне́ны ес­мы, се́рд­це на́­ше хо́лодом жи́з­ни объя́то, о́чи отягще́ны грехо́вным сном. Но Ты, о Цве́­те Не­увя­да­емый, омы́й нас росо́ю у́тренней, со­гре́й нас со́лнцем любви́ и ми­ло­се́р­дия. Подыми́ нас, о Вла­ды́­чи­це, от пра́ха зем­на́­го ко Го́с­по­ду, да принесе́м Ему́ смире́нное мо­ле́­ние сие́ на́­ше и во­пи­е́м Ему́: Алли­лу́иа.

Икос 2


Ар­ха́н­гел Гаврии́л по́с­лан бысть от Бо́­га во град Галиле́йский Назаре́т и при­не­се́ Ти, о Пре­чи́с­тая Де́­во, свято́е благове́стие, глаго́ля: Ра́­дуй­ся, Бла­го­да́т­ная, Гос­по́дь с То­бо́ю! Ты бо обрела́ еси́ бла­го­да́ть у Бо́­га. Мы же, недосто́йнии, зря́ще ве­ли́­чие та­ко­во́е, во смире́нии серд­ца́ взы­ва́­ем:
Ра́­дуй­ся, Бла­го­да́т­ная в же­на́х; ра́­дуй­ся, об­ре́т­шая бла­го­да́ть у Бо́­га и па́­че А́н­гел возвели́ченная.
Ра́­дуй­ся, я́ко за­ча­ла́ еси́ Сы́­на, И́же насле́дит престо́л Дави́да от­ца́ Его́; ра́­дуй­ся, Свет неугаси́мый во тьме сердца́м возже́гшая.
Ра́­дуй­ся, сча́стья ве́ч­на­го две́ри нам отверза́ющая.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 3


В ско́р­бех мяте́мся, в суете́ и пе­ча́­ли жи­тия́ Сво­его́ дни прово́дим. Но ты, о Бла­го­сло­ве́н­ная, осве­ти́ ду́­ши на́­ша Сво­и́м благове́стием, напо́лни серд­ца́ на́­ша смире́нием. Да приклони́в главы́ на́­ша, рече́м: Се раби́ Госпо́дни, да бу́дет нам по во́ли Тво­е́й! Те­бе́ же, о Цве́­те Не­увя­да­емый, и от Те­бе́ Рожде́нному всеча́сно по­е́м: Алли­лу́иа.

Икос 3


Во дни же ты́я текла́ еси́ Мариа́м во град Иу́дов и вни́­де в дом Заха́риин, и целова́ Елисаве́т. И услы́ша Елисаве́т целова́ние Мари́ино, и ис­по́л­ни­ся Елисаве́т Ду́­ха Свя́та и возо­пи́ гла́сом ве́лиим, глаго́ля: Отку́да мне сие́, да при­и́де Ма́­ти Го́с­по­да Мо­его́ ко мне! О, Пре­чи́с­тая Де́­во! Посети́ и нас, немо́щных и убо́­гих, и вознеси́ воздыха́ния на́­ша, я́ко дым кади́льный, ко пре­сто́­лу Все­вы́ш­ня­го, да от полноты́ благода́рнаго серд­ца́ по­е́м Те­бе́ си́­це:
Ра́­дуй­ся, я́ко призре́ Гос­по́дь на сми­ре́­ние ра­бы́ Своея́; ра́­дуй­ся, я́ко ублажа́т Тя вси ро́­ди.
Ра́­дуй­ся, я́ко со­тво­ри́ Ти ве­ли́­чие Си́ль­ный; ра́­дуй­ся, Ис­то́ч­ни­че жи́з­ни и без­сме́р­тия.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 4


О, Цве́­те Не­увя­да­емый! О, Кра­со­то́ благоуха́нная! Посети́ нас в ско́рбной земно́й юдо́ли на́­шей, умо­ли́ Сы́­на Тво­его́, да со­хра­ни́т нас от вся́­кой бе­ды́ и пе­ча́­ли, гне­ва и воздыха́ния, да ниспосле́т нам мир в серд­ца́ на́­ша; да да́­ру­ет нам, ели́ко про́­сим у Не­го́, коему́ждо по свое́й потре́бе и покры́ет нас Свое́ю неисчерпа́емою ми́лостью. Мы же, ча́юще Тво­его́ всеси́льнаго за­ступ­ле́­ния, ве­ли­ча́­ем ду­ше́ю на́­ше­го Го́с­по­да и во­пи­е́м Ему́: Алли­лу́иа.

Икос 4


Па́с­ты­рем, стрегу́щим стра́жу нощну́ю, А́н­гел Госпо́день благовествова́ ра́­дость ве́­лию: я́ко роди́ся Хрис­то́с Гос­по́дь во гра́­де Дави́дове, Вифлее́ме, пови́т и в я́слех поло́жен. О, Пре­чи́с­тая Ма́­ти, ро́жд­шая Сы́­на Тво­его́ Пе́рвенца, при­ими́ от нас си­це­ва́я:
Ра́­дуй­ся, Де́­во Бо­го­ро́­ди­це, я́ко То­бо́ю воз­сия́ ми́рови Свет ра́­зу­ма незаходи́мый; ра́­дуй­ся, Звез­до́, путь нам во тьме указу́ющая.
Ра́­дуй­ся, заре́ та́инственнаго дне; ра́­дуй­ся, душ на́­ших возрожде́ние.
Ра́­дуй­ся, в ско́р­бех ве́рное при­бе́­жи­ще и ско́­рая По­мо́щ­ни­це; ра́­дуй­ся, Лили́я ра́йс­кая.
Ра́­дуй­ся, Де́­во все­пе́­тая; ра́­дуй­ся, голуби́це кро́ткая, Ми­ло­сти­ва­го ро́жд­шая.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 5


Се гряде́т Царь ми́­ра, Се Же́ртва та́йная соверша́ется; А́нгели пою́т на небесе́х: Сла́­ва в вы́ш­них Бо́­гу! Ражда́ется Спаси́тель ми́­ра. Хрис­то́с прихо́дит, ве­ли́­кая Бо­же́ст­вен­ная та́йна. Бог яви́л­ся во пло́­ти, и мы, недосто́йнии раби́, отложи́в вся́­кое жите́йское попече́ние, со А́н­ге­лы Бо́­га славосло́вим во стра́се и ра́­дос­ти, я́ко па́стыри и я́ко волсви́, по­кло­ня́­ем­ся Те­бе́, о Бо­го­ма́­ти, и Тво­ему́ Боже́ственному Сы́­ну непреста́нно зо­ве́м: Алли­лу́иа.

Икос 5


Се пра́ведный Симео́н при­и́де ду́­хом в це́р­ковь и при­е́м От­ро­ча́ Иису́­са на ру́­це свои́, и благослови́ Бо́­га, и ре­че́: Ны́­не отпуща́еши раба́ Тво­его́, Вла­ды́­ко, по глаго́лу Тво­ему́, с ми́­ром! А Те­бе́, о Ма́­ти Ма­ри́е, ору́­жие про́йдет ду́­шу, я́ко откро́ются от мно́гих сер­де́ц помышле́ния. Мы же, спасе́ннии То­бо́ю, во­пи­е́м:
Ра́­дуй­ся, Преблагослове́нная, в ра́­дость печа́ль ве́­лию приводя́щая; ра́­дуй­ся, любви́ и не́жности Матери́нския ве́чный кла́дезю.
Ра́­дуй­ся, Ма́­ти Бо́­га на́­ше­го, велича́йшии ра́­дос­ти и велича́йшую скорбь о Сы́­не Сво­е́м претерпе́вшая; ра́­дуй­ся, Ца­ри́­це ми́­ра.
Ра́­дуй­ся, пла́­чу­щим на­де́ж­до и уте­ше́­ние.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 6


О, Преблага́я Ма́­ти Ма­ри́е! С бу́рей и гне́вом вздыма́ется жите́йское мо́ре, глубо́кие бе́зд­ны разве́рзлись и гото́вы нас поглоти́ти: се́рд­це на́­ше трепе́щет, омраче́на на́­ша ра́­дость, но Ты, о Кро́ткая и Ми́лостивая, умо­ли́ Сы́­на Тво­его́, да помо́жет нам, ско́рбным и си́­рым, в пе­ча́­лех на́­ших; да укроти́т мяте́жные во́л­ны гре­хо́в­ных страс­те́й; да отврати́т от нас вся́­кую беду́ и опа́сность; да научи́т нас, ка́­ко со­блюс­ти́ Его́ ве́ч­ную пра́вду. А при кончи́не жи́з­ни на́шея укажи́ нам ти́хую при́стань и спо­до́­би нас с Симео́ном Богоприи́мцем возопи́ти: Ны́­не отпуща́еши раба́ Тво­его́, Вла­ды́­ко! Помози́ же нам, о Не­увя­да­емый Цве́­те! Не оста́­ви нас и спа­си́ зо­ву́­щих Бо́­гу: Алли­лу́иа.

Икос 6


От­ро­ча́ растя́ше и крепля́шеся ду́­хом и бла­го­да́­тию, и Ты, о Ма́­ти Его́, с лю­бо́­вию слага́ла вся гла­го́­лы о Сы́­не в се́рд­це Сво­е́м. Ско́рбна и печа́льна и́щуще Его́, и в дружи́не, и во сро́дницех и зна́емых, ег­да́ возвраща́шеся с пра́зднества Иерусали́мскаго, и с ра́­дос­тию ве́­лиею об­ре́т­ши Его́, в це́рк­ви седя́ща посреде́ учи́телей, и́же дивля́хуся и ужаса́хуся о Боже́ственнем Его́ ра́зуме. О, Пре­чи́с­тая кро́тосте на́­ша! О, сладча́йшее се́рд­це, лю­бо́­вию весь мир согрева́ющее! Услы́­ши нас, во­пию́­щих Ти та­ко­ва́я:
Ра́­дуй­ся, Бо­же́ст­вен­на­го Сы́­на лю­бо́­вию возрасти́вшая; ра́­дуй­ся, се́рд­це сладча́йшее, лю­бо́­вию согрева́ющее на́­ша хла́дныя ду́­ши.
Ра́­дуй­ся, Руководи́тельнице му́д­рая роди́тельских сер­де́ц; ра́­дуй­ся, Сте­но́ Неруши́мая на́­шим ча́­дом и о́троком.
Ра́­дуй­ся, си́­рым и безпомо́щным по­кро́в и при­бе́­жи­ще в ско́р­бех; ра́­дуй­ся, це­ло­му́д­рия и де́вст­ва Хра­ни́­тель­ни­це.
Ра́­дуй­ся, му́жем кро́тким путь чест­ны́й и пра́вый указу́ющая; ра́­дуй­ся, умягче́ние злых сер­де́ц.
Ра́­дуй­ся, умиле́ние бла­ги́х.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 7


Ча́до! Что со­тво­ри́ нам? - та́­ко вопроша́ше Сы́­на Сво­его́ Иису́­са и удивля́яся, зря́ще Его́ се­дя́­щим во хра́­ме посреде́ прего́рдых и суему́дрых первосвяще́нников иуде́йских, Бо­же́ст­вен­ный Ра́­зум, Бо­же́ст­вен­ное открове́ние им открыва́ющаго. О, снизойди́ же, Всебла́гая Ма́­ти, и к на́­шим ча́­дом: помоли́сь о них Сы́­ну Тво­ему́ и Бо́­гу на́­ше­му, да откро́ет им Свет и́с­тин­на­го Бо­го­поз­на́­ния; по­кры́й их кра́ем Тво­его́ благоуха́ннаго покро́ва; на́ши сы́ны и дще́ри про­све­ти́ све́­том ра́­зу­ма; укре­пи́ их си́­лы те­ле́с­ныя и ду­ше́в­ныя; соблю́ди их в стра́се Бо́жием, в послуша́нии роди́телем и в чис­то­те́ душе́вней; спо­до́­би их возрасти́ на сла́­ву Бо́­гу и на сча́стье зем­ли́ отце́в на́­ших. О, Све­ти́ль­ни­че люб­ве́ неугаси́мый, умасти́ их еле́ем ми́­лос­ти Твоея́, со­гре́й их кро́тостию оче́й Тво­и́х, осени́ их ри́­зою Сво­его́ Матери́нства. О, Цве́­те Не­увя­да­емый! С кре́пкою ве́­рою, непоколеби́мою на­де́ж­дою и вели́ким сокруше́нием серд­ца́ припа́дши к нога́м Тво­и́м, непреста́нно во­пи­е́м Бо́­гу: Алли­лу́иа.

Икос 7


Хо­да́­таи­це те́плая за род прелюбоде́йный и гре́шный! По глаго́лу Тво­ему́ на бра́ке в Ка́не Галиле́йстей Сын Твой и Бог наш со­тво­ри́ нача́ток зна́мением и претвори́ во́­ду в вино́. Упроси́ же, о Ма́­терь Бо́­жия, и ны́­не Сы́­на Тво­его́, да сотвори́т и над на́­ми чу́­до, да претвори́т ско́рбные дни на́ши, пови́тыя ло́жью, оби́дой и сле­за́­ми в ра́­дость возрожде́ния, в сча́стье люб­ве́ и пра́в­ды, да укрепи́т в нас на­ча́­ло Бо­же́ст­вен­на­го Све́­та, ис­то́ч­ник чи́стый Ду́­ха Бо́­га Свя­та́­го, Триеди́наго. Все же лука́вое и нечи́стое да изжене́т из серд­ца́ на́­ше­го. О, Чис­то­те́ недосяга́емая и Ми­ло­се́р­дие не­из­ре­че́н­ное! Приклони́ у́хо Твое́ к мо­ли́т­ве на́­шей и спо­до́­би нас зва́ти си́­це:
Ра́­дуй­ся, лучеза́рный Све́­те люб­ве́ и всепроще́ния; ра́­дуй­ся, со­су́­де Бо­же́ст­вен­ный ве́ч­на­го бла­же́н­ства.
Ра́­дуй­ся, за всех нас усе́рд­ная пред Го́сподом Моли́твеннице; ра́­дуй­ся, ну́ж­ды на́­ша ско́ро ко пре­сто́­лу Бо́­жию вознося́щая.
Ра́­дуй­ся, я́ко по глаго́лу Тво­ему́ Сын Твой твори́т зна́­ме­ния, да́руя ра́­дость че­ло­ве́­ком.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 8


Любви́ несть, пра́вда исчезе́, ложь и вражда́, гнев и нена́висть посе́яны в се́рд­це людско́е. Брат возстае́т на бра́та, ча́­да на роди́телей и роди́тели на ча́­да. О, Милосе́рдый Бо́­же! Кто оскверни́ ди́в­ную жа́тву Твою́, кто всея́ среди́ пшени́цы пле́­ве­лы и волчцы́? Гнев Твой пра́веден, уже́ и секи́ра при ко́рне, но се к Те­бе́ припа́дает Ма́­терь Твоя́, усе́рд­ная За­сту́п­ни­ца ми́­ра. О, велича́йшая Люб­ве́ и благоуха́ннейшее се́рд­це! От­вра­ти́ от нас гнев Бо́­жий, за гре­хи́ на́­ша пра́ведно на нас дви́жимый; укре­пи́ лю́бящия нас, да не поколе́блет их ни гоне́ние, ни вре́­мя лю́тое; вразуми́ ненави́дящих нас и творя́щих нам напа́сть; прости́ вра­го́в на́­ших, не ве́­ду­щих что творя́т, смягчи́ гне́вное се́рд­це их и озари́ их мрак све́­том любви́ Хри­сто́­вой, а зло́бу и нена́висть их претвори́ в стыд и раска́яние. О, Цве́­те благоуха́нный! Сосу́ды на́ши пу́сты, еле́я до́б­рых дел несть у нас и све­ти́ль­ни­ки ве́­ры на́шея от бу́ри жите́йской угаса́ют. Уми­ло­се́р­ди­ся же над на́­ми, напо́лни серд­ца́ на́­ша ве­се́­ли­ем чи́стых ра́достей, духо́вно обнови́ нас, да бла­го­да́р­ны­ми уста́ми непреста́нно с уми­ле́­нием по­е́м Бо́­гу: Алли­лу́иа.

Икос 8


Весь быв в ни́ж­них и Вы́ш­них ни­ка́­ко­же не отступа́ешии, Бо­же́ст­вен­ный Учи́­те­лю: боля́щия исцеля́ешии, ме́рт­выя воскреша́ешии, прокаже́нныя очища́ешии, весь мир наполня́ющи лю­бо́­вию, кро́ткий Стра­да́ль­че! Се ви́сиши, пригвожде́нный ко Кресту́ среди́ злоде́ев, и вси лю́­дие, стоя́ще, руга́хуся над То­бо́ю и с ни́­ми кня́зи и во́ины. А Ты, о ско́рбная Ма́­ти, пони́кла гла­во́ю у Крес­та́ Сы́­на Тво­его́, и ору́­жие про́йде Твое́ Ма́­тер­нее се́рд­це. Мы же, почита́я ско́р­би Матери́нскаго серд­ца́ Тво­его́, из глу­би­ны́ ду́­ши во­пи­е́м Ти си́­це:
Ра́­дуй­ся, сладча́йшая Де́­во Ма­ри́е, я́ко печа́ль Твоя́ в ра́­дость бу́дет и ра́­дос­ти сия́ ни­кто́­же во́змет от Те­бе́; ра́­дуй­ся, велича́йшия му́­ки позна́вшая, зря Сы́­на Тво­его́ кро́­вию истека́юща на Кре­сте́, уничиже́на, распя́та, оплева́на.
Ра́­дуй­ся, я́ко Цари́цей ми́­ра нарече́шися и возся́деши одесну́ю пре­сто́­ла Сы́­на Тво­его́ и Бо́­га, Го́с­по­да на́­ше­го Иису́­са Хри­ста́; ра́­дуй­ся, я́ко в ско́р­би серд­ца́ Тво­его́ Ты скорбь всего́ ми́­ра и гре­хи́ всех че­ло­ве́­ков омы́ла еси́ сле­за́­ми.
Ра́­дуй­ся, Кро́ткая, Сын Твой воскре́снет, попра́в жа́ло сме́р­ти, и Свет воскресе́ния Его́ возсия́ет во ве́­ки; ра́­дуй­ся, Бо­го­ро́­ди­це, не­бе́с­ный о́б­ра­зе чис­то­ты́ и бла́­гос­ти.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 9


Та́­ко воз­лю­би́ Бог мир, что Сы́­на Сво­его́ Единоро́днаго дал, да всяк ве́рующий в Не­го́ не поги́бнет, то и́мать жизнь ве́ч­ную. И се неблагода́рные и злонра́вные лю́­ди я́ко злоде́я пригвозди́ша Его́ ко Кресту́. Мы же зря́ще та­ко­ва́я, у́жасом объя́ти бы́вше во­пи­е́м: Бо́­же, ми́лостив бу́­ди нам гре́ш­ным! За на́ши бо прегреше́ния те́рпиши стра́шныя му́­ки. О, Ско́рбная Ма́­ти, не от­вра­ти́ ли­ца́ Тво­его́ от нас, разорви́ у́зы на́­ша гре­хо́в­ныя, очи́с­ти на́­ша серд­ца́ от страс­те́й и по́­хо­тей лу­ка́­вых, да в горе́нии духо́внем, я́ко свеща́ по­кая́­ния, возжже́мся пред Кресто́м Бо­же́ст­вен­на­го Тво­его́ Сы́­на, непреста́нно моля́ с благоразу́мным разбо́йником: По­мя­ни́ нас, Го́с­по­ди, во Ца́рст­вии Тво­е́м! Мо­ли́т­ва­ми Тво­и́ми, Бо­го­ро́­ди­це, испра́ви стопы́ на́­ша к де́ланию за́­по­ве­дей Гос­по́д­них, омы́й нас от греха́, соде́лай лу́чшими, подыми́ к лучеза́рному Незаходи́мому Све́­ту, да зо­ве́м Бо́­гу: Алли­лу́иа.

Икос 9


Соверши́шася! О́т­че, в ру́­це Твои́ предаю́ Дух Мой. О, Пре­чи́с­тая Ма́­ти! Слы́­ши­ши ли, я́ко земля́ от пе­ча́­ли содрога́ется, грудь ея́ распада́ется, гро́бы отверза́ются, ме́рт­выя воз­ста­ю́т и церко́вная заве́са раздира́ется? Ви́диши ли, я́ко ве­ли́­кая тьма объя́ла зе́м­лю и лю́­дие в стра́се и тре́пете пе́рси своя́ бию́ще, глаго́лют: Вои́стину Бо́­жий Сын бе Сей! Мы же таково́му чудеси́ удивля́яся и вои́стину Сы́­на Тво­его́ Сы́­на Бо́­жия испове́дающе, ве́р­но во­пи­е́м Ти:
Ра́­дуй­ся, Ма́­ти Бо́­жия, се бо вси гла­го́­лы, я́же слага́ла еси́ в се́рд­це Тво­е́м, соверши́шася; ра́­дуй­ся, Бла­го­да́т­ная Де́­во, заре́ неме́ркнущая, дне незаходи́мый, све́­те златоза́рный.
Ра́­дуй­ся, заре́ немерца́ющаго Све́­та невече́рняго; ра́­дуй­ся, святи́лище ве­ли́­кия та́й­ны.
Ра́­дуй­ся, ис­то́ч­ни­че на́­ше­го без­сме́р­тия; ра́­дуй­ся, пода́тельнице Бо­же́ст­вен­ныя бла́­гос­ти.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 10


Да молчи́т вся­кая плоть челове́ча и да стои́т со стра́­хом и тре́петом, и ни­что́же земно́е в се­бе́ да помышля́ет. Се бо за гре­хи́ ми́­ра прино́сится ве­ли́­кая же́ртва, се Спаси́тель ми́­ра благообра́зным Ио́сифом во гро́бе но́вом полага́ется и повива́ется чи́стою плащани́цею. Ду­ше́ю же Свое́ю вос­хо́­дит во ад со­кру­ши́­ти вереи́ ве́ч­ныя и извести́ на свобо́ду от ве́­ка свя́занныя; из гро́­ба же Сво­его́ провеща́ет ма­те­ри Свое́й: Не рыда́й Ме­не́, Ма́­ти, зря́щи во гро́бе, Его́­же во чре́ве без се́­ме­не за­ча­ла́ еси́ Сы́­на: воста́ну бо и просла́влюся, и вознесу́ со сла́­вою непреста́нно я́ко Бог, ве́­рою и лю­бо́­вию Тя велича́ющия. Отложи́м все земно́е и су́етное и с чи́стым се́рд­цем припаде́м ко пре­сто́­лу Ца­ря́ Сла́­вы, непреста́нно вопия́: Свят, Свят, Свят Гос­по́дь Савао́ф! О, Ма́­ти на́­ше­го спа­се́­ния! Со­тво­ри́ и нас прича́стниками све́тлаго Воскресе́ния Сы́­на Тво­его́ и ве́ч­на­го бла­же́н­ства, да зо­ве́м Бо́­гу: Алли­лу́иа.

Икос 10


Во еди́ну от суббо́т, зело́ ра́но приидо́ша жены́ на гроб, нося́ще арома́ты, и се прише́дше зрят: ка́­мень отвале́н от гро́­ба и несть Телесе́ Го́с­по­да Иису́­са. А́н­гел же к ним све́т­ло блиста́яся, глаго́ля: О, жены́! Не бо́йтеся и не ищи́те Жи­ва́­го с ме́ртвыми: Хрис­то́с бо вос­кре́­се, я́ко­же и ре­че́! Те­бе́ же, о Вла­ды́­чи­це, нау­чи́ вся приглаша́ти си́­це:
Ра́­дуй­ся, Бла­го­сло­ве́н­ная Бо­го­ро́­ди­це Де́­во, и па́­ки ре́­ку: ра́­дуй­ся, Сын бо Твой Вос­кре́­се тридне́вен от гро́­ба; ра́­дуй­ся, я́ко вся земля́ лику́ет и вси А́нгели пою́т на не­бе­си́: Хрис­то́с Вос­кре́­се из ме́рт­вых, сме́р­тию смерть попра́в и нам всем, и су́­щим во гробе́х жи­во́т дарова́в!
Ра́­дуй­ся, Пода́тельнице жи́з­ни ве́ч­ныя несконча́емыя; ра́­дуй­ся, я́ко Твое́ю лю­бо́­вию и Тво­и́ми мо­ли́т­ва­ми изба́вихомся мра́ка ве́ч­на­го.
Ра́­дуй­ся, я́ко То­бо́ю воз­сия́ нам све́тлый пра́здников праз́дник; ра́­дуй­ся, я́ко То­бо́ю наста́ нам све́тлый день, во́ньже друг дру́га обы́мем, прости́м вся вос­кре­се́­ни­ем, возра́дуемся и возвесели́мся ра́­дос­тию ве́чною.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 11


О, Иеру­са­ли́­ме, Иеру­са­ли́­ме, изби́вший про­ро́­ки! Тя́жкое твое́ злодея́ние прощено́ у Го́с­по­да, и над ми́­ром возсия́ло Со́лн­це пра́в­ды незаходи́мое. Очи́с­ти же и на́ши ду́­ши, Кро́ткая Де́­во! Очи́с­ти на́ши чу́вст­вия, да у́зрим Хри­ста́ из гро́­ба исходя́ща; оде́нь нас в бра́чныя оде́жды, да с ра́­дос­тию вни́дем в укра­ше́н­ный черто́г Хрис­то́в, пою́­ще Ему́ Воскре́сшему: Алли­лу́иа.

Икос 11


Ег­да́ приблизи́ся час Тво­его́ к Бо́­гу отше́ствия, о Бо­го­ма́­ти Де́­во, па́­ки А́н­гел Госпо́день Гаврии́л, све́т­ло блиста́яся, предста́ пред То­бо́ю, вручи́в Те­бе́ све́тлую, неувяда́емую рая́ ли́лию, и се Ты со смире́нием и ра́­дос­тию прия́ла еси́ во́лю Госпо́дню и ти́хо отошла́ к Боже́ственному Тво­ему́ Сы́­ну. О, неуста́нная Моли́твеннице на́­ша! О, Не­увя­да­емый Цве́­те све́тлаго рая́ не­бе́с­на­го! Ниспосли́ и нам, Милосе́рдная, ти́хий и безболе́зненный ухо́д из сей юдо́ли пла́ча, воздыха́ний и скор­бе́й, да во­пи­е́м Те­бе́ та­ко­ва́я:
Ра́­дуй­ся, вознесе́нная на Не́­бо Сы́­ном Тво­и́м, Ца­ри́­це Не­бе́с­ная; ра́­дуй­ся, ско́­рая и ве́р­ная пред Ним на́­ша По­мо́щ­ни­це и За­ступ­ле́­ние.
Ра́­дуй­ся, Все­пе́­тая Де́­во, и́бо и́мя Твое́ неувяда́емо красу́ется и ублажа́ется из ро́­да в род; ра́­дуй­ся, в бу́рях жите́йских наде́жное на́­ше и ти́­хое при­ста́­ни­ще.
Ра́­дуй­ся, Обра́дованная, во Успе́нии Тво­е́м нас не оставля́ющая.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 12

О, стра́шный после́дний час наш! Се́рд­це и все у́ды тре­пе́­щут, ег­да́ то́лько помышля́ем о нем! Ка́­ко оста́вим си́рыми на́ши бли́зкие и люби́мые? Ка́­ко по́йдем неумы́тные посреди́ тьмы и се́ни сме́ртныя к но́вой жи́з­ни? Ка́­ко предста́нем на Стра́шный Суд Творца́ и Бо́­га? О на́­ша Уте́­ши­тель­ни­це! О до́б­рая на́­ша По­мо́щ­ни­це! Помоги́ нам, ег­да́ наста́нет сие́, ру­ку́ лю́бящую Свою́ Матери́нскую по­ло­жи́ на чело́ на́­ше, да ути́хнут на́ши стра­да́­ния и душа́ на́­ша возроди́тся, умири́ тоску́ разлуче́ния на́­ше­го с ми́­ром сим, и свет ве́чной пра́в­ды да возсия́ет пред на́шими оча́ми. О, Пре­чи́с­тая Ма́­ти! На Те­бе́ наде́емся, Те­бе́ мо́­лим­ся и во­пи­е́м Бо́­гу: Алли­лу́иа.

Икос 12


О, душе́ моя́, душе́ моя́! Восста́ни, что спи́ши? Ко­не́ц приближа́ется! Почто́ греха́ми богате́еши? Почто́ не ради́ши, не гото́вишися? Гос­по́дь при две́рех, в чесо́м на­де́ж­ду полага́еши? Кий отве́т проглаго́леши Го́сподеви, ег­да́ прии́дет Он, гро́зный Судия́, су­ди́­ти зе́м­лю; ни ча́са, ни дне се­го́ не ве́­си, от края́ зем­на́­го и до края́ звучи́т труба́ Арха́нгельская, и ме́ртвии воз­ста­ю́т, и собира́ются вси язы́цы. И се гряде́т Сын Челове́ческий на о́блацех с си́­лою Свое́ю, во всей сла́­ве Свое́й. Где на́ши до́брые де́ла? Где ми­ло­се́р­дие? Где лю­бо́вь? Пре­гре­ше́­ний же на́­ших не­ис­чер­па́е­мое мно́гое мно́­жест­во закры́ша не́­бо. О, Все­ми́­лос­ти­вая Бо­го­ро́­ди­це! В сей стра́шный день предста́ни нам и бу́­ди Хода́таицей за нас пред Сы́­ном Тво­и́м. На Те­бе́ Еди́ну наде́емся, не оста́­ви нас гре́ш­ных. Бу́­ди нам защи́тою и укрепле́нием, с те́плою ве́­рою и несомне́нною на­де́ж­дою припа́даем к Пре­чи́с­то­му Тво­ему́ о́б­ра­зу и со сле­за́­ми зо­ве́м та­ко­ва́я:
Ра́­дуй­ся, мо́л­ние, тьму на́­шу освеща́ющая; ра́­дуй­ся, на Стра́шнем Су­ди́­ще Христо́вом за нас заступа́ющая.
Ра́­дуй­ся, Сво­и́м омофо́ром весь мир от бед и скор­бе́й покрыва́ющая; ра́­дуй­ся, я́ко еси́ мир те­бе́ Еди́ной Ма­те­ри усынови́ся.
Ра́­дуй­ся, я́ко те­бе́ Еди́ной не­из­ре­че́н­ная бла­го­да́ть мо­ли­ти­ся о нас да­де­ся; ра́­дуй­ся, всем ве́р­ным Сво­и́м ча́­дом ве́ч­ную ра́­дость уготовля́ющая.
Ра́­дуй­ся, Цве́том сво­и́м Неувяда́емым нас гре́ш­ных на ве́­ки благоуха́ющая.
Ра́­дуй­ся, Ма́­ти Бо́­жия, Цве́­те Не­увя­да­емый.

Кондак 13


О, Не­увя­да­емый Цве́­те! О, Все­пе́­тая Ма́­ти Ма­ри́е, ро́жд­шая всех свя­ты́х Свя­те́й­шее Сло́­во! Ны́нешнее при­ими́ на́­ше при­но­ше́­ние, от вся́­кия из­ба́­ви на­па́с­ти всех. Со­гре́й Матери́нскою лю­бо́­вию, возвесели́ нас ве́чною ра́­дос­тию. Спа­си́ от ве́ч­ных мук непреста́нною к Сы́­ну Тво­ему́ мо­ли́т­вою и не­бе́с­на­го Ца́рст­вия нас, Ца­ри́­це, спо­до́­би, о Те­бе́ во­пию́­щих: Алли­лу́иа.

Этот кондак чи­та­ет­ся трижды, за­те́м 1-й икос «Я́ко Бо́­жие благослове́ние…» и 1-й кондак «О, Преблагослове́нная Бо­го­ро́­ди­це Де́­во, …».


Мо­ли́т­ва


О, Пре­свя­та́я и Пренепоро́чная Ма́­ти Де́­во, на­де́ж­до хри­сти­а́н и при­бе́­жи­ще гре́ш­ным! Защити́ всех в несча́стиях к Те­бе́ при­бе­га́ю­щих, услы́­ши стена́ния на́­ша, приклони́ у́хо Твое́ к моле́нию на́­ше­му. Вла­ды́­чи­це и Ма́­ти Бо́­га на́­ше­го, не пре́­зри тре́бующия Твоея́ по́­мо­щи и не от­ри́­ни нас гре́ш­ных, вразуми́ и нау­чи́ нас, не от­сту­пи́ от нас, ра­бо́в Тво­и́х, за ропта́ние на́­ше. Бу́­ди нам Мать и Покрови́тельница, вруча́ем се­бе́ ми́лостивому По­кро́­ву Тво­ему́. Приведи́ нас, гре́ш­ных, к ти́хой и безмяте́жной жи́з­ни, да опла́чем гре­хи́ на́ши. О, Ма́­ти Ма­ри́е, на́­ша преблага́я и ско́­рая За­сту́п­ни­це, по­кры́й нас Сво­и́м хо­да́­тай­ством, защити́ от вра­го́в ви́­ди­мых и не­ви́­ди­мых, умягчи́ серд­ца́ злых лю­де́й, возстаю́щих на нас. О, Ма́­ти Го́с­по­да Творца́ на́­ше­го! Ты еси́ Ко́рень Де́вст­ва и Неувяда́ющий Цвет чис­то­ты́ и це­ло­му́д­рия, пошли́ по́­мощь нам не­мощ­ны́м и обурева́емым плот­ски́­ми страсть­ми́ и блужда́ющим сердца́ми. Про­све­ти́ на́ши ду­ше́в­ныя о́чи, да ви́­дим пу­ти́ пра́в­ды Бо́­жия. Бла­го­да́­тию Сы́­на Тво­его́ укре­пи́ на́­шу сла́бую во́лю во ис­пол­не́­ние за́­по­ве­дей, да изба́вимся от вся́­кия бе­ды́ и на­па́с­ти и оправда́ны бу́дем Тво­и́м пречу́дным заступле́нием на Стра́шнем Су­де́ Сы́­на Тво­его́, Ему́­же мы воздае́м сла́­ву, честь и поклане́ние ны́­не и при́с­но, и во ве́­ки ве­ко́в. Ами́нь.
Прикрепления: 6623291.jpg(138Kb)
 
ELISELДата: Суббота, 16.04.2016, 10:54 | Сообщение # 3
Просветлённый
Группа: Администраторы
Сообщений: 11489
Статус: Offline
Чудотворная икона Божьей Матери «Неувядаемый Цвет»



День почитания святыни – 16 апреля


Искренние молитвы, промолвленные перед иконой «Неувядаемый Цвет», способны не только восстановить духовные силы верующих и наставить их на путь праведной, но и помочь сохранить молодость и красоту.

Обращение к Богородице перед чудотворной иконой способствует сохранению любящих отношений между супругами, помогает близким людям найти понимание, укрепить семейные отношения, решить серьезные проблемы, с которыми стыкаются домочадцы. Девушки прибегают к молитвам перед иконой, с обращением к Пречистой за помощью в поисках надежного и любящего супруга. К Деве Марии приходят и те, кто нуждается в утешении, почитаема икона среди людей, познавших какое-либо горе.Молитвы к Богородице перед иконой «Неувядаемый цвет» помогают обрести веру в завтрашний день, силы для продолжения жизни, вдохновляют на борьбу с мрачными мыслями, а также позволяют забыть о душевных тревогах.

Связано с иконой Богоматери «Неувядаемый Цвет» много чудес. Не единожды случалось так, что после молитв перед святыней молодые девушки находили спутника жизни, обретая гармонию и счастье в семейной жизни. Свидетельствовали страждущие и о том, что Дева Мария помогла им после обращения перед иконой обрести душевного спокойствия, найти смысл существования своего, переоценить жизнь свою. Другие христиане приходили к святыне в минуты, когда печаль охватывала души и мысли их, и только Царица Небесная смогла наставить их на путь истинный, указать праведный образ жизни, найти счастье и принять себя таким, каким человек является.

Православные знают, что не может Пречистая оставить на произвол судьбы тех, кто в ласке ее нуждается. Много чудес, связанных с «Неувядаемым Цветом», случалось в былые времена, явление образа Богородицы тысячи христиан избавило от душевных тяжестей. Но и сегодня происходят чудесные явления.

К примеру, на горе Кефалония, расположенной близ острова Афон в Греции каждый год происходит что-то удивительное. Поддерживается здесь одна очень интересная традиция: в день Благовещения Пресвятой Богородицы христиане приносят в храм белые цветы, схожие к тем, что явился к Деве Марии Гавриил с ними. Хранятся эти цветы до самого торжества в честь Успения Богородицы. Причем, поливать растения, нет потребности.

И ежегодно наблюдается светлое чудо – сухие стебли цветков спустя 5 месяцев наполняются новыми силами, не зная при этом ни влаги, ни солнечного тепла. Мало того, что растения не погибают, на стеблях появляются новые белоснежные бутоны. За некими поверьями именно это событие стало причиной создания иконы Божией Матери «Неувядаемый Цвет». Авторами творения стали, вдохновленные чудом, Афонские монахи.
Цветы, которые держат в руках Богородица и Младенец Иисус – символ непорочности и чистоты Девы Марии, Ее духовного совершенства и праведности. С этого и стала обращаться Православная церковь к Пресвятой: «Ты еси Корень девства и Цвет чистоты Неувядаемый».

Среди священнослужителей церкви на горе Кефалония распространено поверье, гласящее о том, что усохшие цветы, которые каждый желающий может увидеть под киотом иконы, символизируют души человеческие. Мы, как и растения, нередко теряем ту искру божественную, которую подарил нам Господь Бог. Не только тело наше чахнет (это еще не столь страшно). Запустевает душа наша, ибо забываем мы о том, какой должна быть жизнь истинного христианина, прибегаем к греховным поступкам. Но также как и цветы вернуться мы можем всегда, ступив на путь жизни праведной. Расцвести духовно – поверить и довериться Христу нашему, Спасителю. Ибо каждому, кто с горячей молитвой прибегнет к Богородице, Бог милостивый всегда готов помочь.




источник
 
TATYДата: Суббота, 16.04.2016, 21:47 | Сообщение # 4
Алхимик
Группа: Проверенные
Сообщений: 392
Статус: Offline
Лиза, спасибо вам огромное за просвещение. К своему стыду я не знала о такой удивительной иконе Божьей Матери.

Всем Любви и Света
 
ELISELДата: Суббота, 16.04.2016, 23:14 | Сообщение # 5
Просветлённый
Группа: Администраторы
Сообщений: 11489
Статус: Offline
Татьяна, ничего стыдного в этом нет - икон великое множество. Но эта, по-моему, особенная - какая-то красота в ней необычайная.

 
TATYДата: Воскресенье, 17.04.2016, 17:05 | Сообщение # 6
Алхимик
Группа: Проверенные
Сообщений: 392
Статус: Offline
Лиза, вы знаете в ней не только красота необычайная, но и особая притягательная сила.

Всем Любви и Света
 
ELISELДата: Воскресенье, 17.04.2016, 17:34 | Сообщение # 7
Просветлённый
Группа: Администраторы
Сообщений: 11489
Статус: Offline
Цитата TATY ()
но и особая притягательная сила

Да, недаром ведь эта икона считается чудотворной.

 
Форум » Храм Лотоса » Часовня » Икона Богородицы «Неувядаемый Цвет»
Страница 1 из 11
Поиск:

Твоя Йога ЭZО-Сеть - Портал новостей. Современная эзотерика, Развитие человека. Сотни ресурсов по теме. Каталог сайтов Всего.RU Каталог сайтов и статей iLinks.RU Каталог сайтов OpenLinks.RU Каталог сайтов и статей iTotal.RU LightRay Каталог сайтов Bi0 Эзотерический портал Живое Знание - место духовного развития и обмена Новым Знанием. Create a free website