| ELISEL | Дата: Суббота, 07.02.2015, 14:33 | Сообщение # 1 |
 Просветлённый
Группа: Администраторы
Сообщений: 22670
Статус: Offline
| Молитвы для прощения грехов 
Молитва первая
Исповедаю Тебе Господу Богу моему и Творцу, во Святей Троице Единому, славимому и покланяемому Отцу, и Сыну, и Святому Духу, вся моя грехи, яже содеях во вся дни живота моего, и на всякий час, и в настоящее время, и в прошедшия дни и нощи, делом, словом, помышлением, объядением, пиянством, тайноядением, празднословием, унынием, леностию, прекословием, непослушанием, оклеветанием, осуждением, небрежением, самолюбием, многостяжанием, хищением, неправдоглаголанием, скверноприбытчеством, мздоимством, ревнованием, завистию, гневом, памятозлобием, ненавистию, лихоимством и всеми моими чувствы: зрением, слухом, обонянием, вкусом, осязанием и прочими моими грехи, душевными вкупе и телесными, имиже Тебе Бога моего и Творца прогневах, и ближняго моего онеправдовах: о сих жалея, винна себе Тебе Богу моему представляю, и имею волю каятися: точию, Господи Боже мой, помози ми, со слезами смиренно молю Тя: пришедшая же согрешения моя милосердием Твоим прости ми, и разреши от всех сих, яже изглаголах пред Тобою, яко Благ и Человеколюбец.
Молитва вторая
О, Боже, Премилосерднейший Христе Иисусе, Искупителю грешных, ради спасения рода человеческаго Ты оставил еси, Всемилостиве, преславная Небеса и вселился еси во юдоль плачевную и многогрешную, Ты приял еси на Божественная рамена Твоя наша немощи, и понесл еси наша болезни; Ты, о Страдальче Святый, уязвлен был за грехи наша и мучим за беззакония наша, а посему и мы к Тебе, Человеколюбче, возносим наши смиренныя мольбы: приими их, о Преблагий Господи, и снизойди к немощам нашим и грехов наших не помяни, и праведный гнев Твой за беззакония наша на ны движимый отврати от нас. Кровию Твоею Всечестною обновивый падшее естество наше, обнови, Господи Иисусе Христе, Спасителю наш, и нас, во тли грехов сущих, и утеши сердца наша радостию всепрощения Твоего. С воплем и безмерными слезами раскаяния припадаем к стопам Твоего Божественного милосердия, и молим Тя: благодатию Твоею очисти нас от всех неправд и беззаконий жития нашего. Да во святыни Твоего Человеколюбия восхвалим Всесвятое Имя Твое, со Отцем и Преблагим и Животворящим Духом, ныне и присно и во веки веков. Аминь.
Молитва третья
(Святого Иоанна Златоуста)
Господи, согрешихом на небо и пред Тобою! Приими обращение и покаяние наше, приими наше стенание и слезы, приими покаяние нас грешных, приими рыдание и вопль наш даже до смерти. Приими нас окаянных, живших безстудно: приими нас, Человеколюбие, зело прогневавших Тя: приими нас, Владыко, проведших всю жизнь в распутстве, во всяком лукавствий и нечистоте: приими нас, Господи Боже, преступивших заповеди Твоя: приими нас, Владыко, недостойных рабов Твоих, и не воздай нам по делом рук наших. Исповедаем Тебе, Владыко, яко по грехом нашим несмы достойни даже воззрети на солнце сие, зане несть таков грех, несть ни едино таково злодеяние, егоже не совершили быхом мы окаяннии. Но приими нас, Господи, якоже блуднаго сына, приими якоже разбоиника, приими якоже блудницу и мытаря. Господи, обрати нас! Господи, вразуми нас и не прогневаися на нас, но буди милостив ко грехом нашим! Ты еси Бог наш, и разве Тебе иного не знаем. Господи, исторгни нас от враг наших и не вниди в суд с рабы Твоими. Господи, Ты еси Бог, и мы людие Твои. Согрешихом, содеяхом беззаконие и неправду, сотворихом зло, погрешихом во всем, не послу шахом заповедей Твоих и того ради далече уклонихомся от Тебе. Но помилуи, Господи, дела рук Твоих: помилуи, Владыко, тыя, иже хитро-стию змия изгнани быша из рая: помилуи нас и облецы нас в хитон веселия и одежду спасения: помилуи нас, ихже диавол лишил есть помощи Твоея! Милосерде, помилуи тыя, иже оставиша Тя и служаху ему: помилуи заблуждшыя, помилуи не сохранивших заповедей Твоих и последовавших злодеянием демонов: помилуи осквернивших себе грехми, помилуи тыя, иже пребываху под властию диавола: помилуи осквернившихся распутством. Помилуи, Милосерде, помилуи, Блаже, помилуи, Долготерпеливе, зане руки наша совершиша всякое зло, всякое осквернение, любостяжание и неправду. Осквернихом душу, юже создал еси по образу Твоему, осквернихом тело, осквернихом чувство. Язык наш явися якоже меч остр, направлен противу ближняго, очи наши исторгают пламень, руки наши полны крове, ноги наши скоры на совершение зла, уста наша осквернена злословием, и кратко рещи, осквернихом и землю и воздух. Воистину неправедная дела наша доидоша даже до небесе, хищения наша превысиша горы, любостяжание превыси облаки, порбцы наши достигоша небесе, греси наша суть непрос-тительни, преступления наша не имут извинения, прегрешения наша суть неисправима, и се, земля не может понести наших злодеянии. Темже, Господи, нужду имамы в милосердии Твоем. Ты веси немощь естества нашего: помилуи, Господи, творение рук Твоих. Се, взываем к милосердию Твоему: не лиши нас помощи Твоея, низпосли нам недостойным милость Твою, даруи нам грешным заступление Твое, яви нам лице Твое, и спасемся.
Псалом 50, покаянный Также см. ЗДЕСЬ
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.
КАТАЛОГ НАСТРОЕК 
|
| |
| |
